Вирџил Ван Дајк во јануари 2018 година дресот на Саутемптон го замени со оној на Ливерпул. Потегот на Јирген Клоп се покажа како исправен бидејќи Ливерпул до крајот на таа сезона стигаа до финалето во Лигата на шампионите, а веќе наредната „црвените“ ја освоија европската титула.
Ван Дајк, според многумина е клучниот човек на Ливерпул. За одличната сезона тој е награден од УЕФА која го прогласи за играч на сезоната во Лигата на шампионите.
Англиските медиуми денес излегоа со информација дека Ван Дајк требало да заврши в Манчетер Јунајтед меѓутоа тој трансфер не го одобрил Жозе Мурињо.
Португалецот претходно го засилил тимот со Ерик Баи (Вилјареал) и Виктор Линделоф (Бенфика) и сметал дека нема потреба да троши пари на уште еден играч од одбраната.