Еден Азар е слободен играч откако го раскина договорот со Реал Мадрид. Под знак прашалник е каде ќе ја продолжи кариерата, но познато е дека интерес покажал и Ал Наср. Клубот од Саудиска Арабија доби конкуренција во трката за Азар, бидејќи за Белгиецот се распрашува и Кристал Палас.
Многумина го окарактеризираа Азар како најголемиот неуспех во историјата на Реал Мадрид бидејќи шпанскиот гигант за него одвои рекордни 115 милиони евра за трансферот од Челзи во 2019 година, а за неговата плата издвои уште 30 милиони.
За возврат од него на 76 натпревари, доби седум гола и 12 асистенции.
Минатата сезона, Азар собра само 392 минути во Реал Мадрид, на вкупно 10 натпревари, постигна еден гол и забележа две асистенции.