Актуелниот светски првак во шах, Магнус Карлсен (31) е голем љубител на фудбалот, тој е навивач на Реал Мадрид. Сепак, во подкастот на Лекс Фридман, тој изненади со одговорот на прашањето кој според него е најдобриот фудбалер на сите времиња.
„Мислам дека е тешко да се спореди некој со Лионел Меси и покрај претпоставката дека како навивач на Реал Мадрид би го претпочитал Кристијано Роналдо. Секогаш ми се допаѓал Роналдо како фудбалер, но секогаш мислев дека Меси е подобар“, рече тој.
Тој објасни и зошто порано зборувал поинаку.
„Гледав голем број натпревари во Мадрид во изминатите години и тие секогаш прекрсано се однесуваа. Единственото нешто што ме нервираше беше тоа што кога ќе дадам интервју за клупската веб-страница секогаш морав да го спомнувам Роналдо“, вели еден. од најдобрите шахисти на сите времиња и додаде:
„Кога ќе ме прашаа кој според мене е најдобар играч, морав да кажам Роналдо. Кога ќе спомнев некој друг, на пример Иско, тие ќе го прекинеа интервјуто со зборовите: „Добро, втор обид, сега кажи Роналдо“.Им беше многу важно да создадат таква слика околу Роналдо, но јас не гледав така“, додаде тој.