Наполи и Милан освоија по еден бод откако во дербито на 32 коло одиграа 2:2. Двата тима ги задржаа позициите на кои беа и пред дербито, Наполи се шестти со 52 бода, Милан зад нив со два бода помалку. Македонскиот репрезентативец Елиф Елмас ги одигра последните 25 минути, успеа да избори исклучување на Салемаркерс во 85 минута.
Наполи одигра подобро во првиот дел меѓутоа први до гол стигнаа играчите на милан. Тео Ернандес во 20 минута го совлада Оспина. Наполи израмни со голот на Ди Лоренцо 14 минути подоцна.
Иницијативата што ја имаа во вториот дел играчите на наполи ја крунисаа со гол во 60 минута кога Мертенс го совлада Донарума. На патот до мрежата топката мина низ нозете на голманот на Милан.
Конечниот резултат го постави Кеси од пенал во 73 минута.