Виктор Осимен осигура Наполи да успее да спаси 1:1 реми на гостувањето кај Каљари и да пропушти шанса да се израмни на првото место на табелата по „лудото“ 26. коло во Серија А во кое првите шестопласирани тимови на табелата не запишаа три поени.
Шансата која се отвори откако Милан во саботата доживеа неочекувана сопка против Салернитана со 2:2 ремито, прво не ја искористи Интер во неделата кога загуби дома со 0:2 од Сасуоло, а сега во понеделничкиот меч ниту тимот на Елиф Елмас не се прослави. Покрај овие три клуба, ниту Јувентус, Аталанта и Лацио не успеаја да победат во ова коло.
Овојпат, покрај бледата игра на тимот на Лучано Спалети, најзаслужен за победата на 17-пласираниот Каљари беше голманот на „партенопеи“, Давид Оспина, кој реагираше екстремно лошо во 58. минута од мечот, дозволувајќи му на Гастон Переира да донесе водство на клубот од Сардинија.
David Ospina with one of the worst Goalkeeping blunders in football I’ve ever seen.
Napoli fans must be fuming. Cagliari are all over Napoli too. pic.twitter.com/TvQ3q3GvxC
— Drunk Red (@TheUnitedWayyyy) February 21, 2022
Каљари може да жали што не ја искористи иницијативата во поголемиот дел од второто полувреме, пред Осимен во 87. минута да покаже колку е важен за својот клуб со убав гол.
Милан останува лидер во Италија со 56 поени, два повеќе од Интер (иако тие имаат натпревар помалку), Наполи остануваат трети со ист број на поени како Интер, а ако продолжи ваквата форма на топ 3 тимовите, Јувентус ја чека својата шанса на четвртото место со 47 поени.