Маурицио Сари не може на раат да си ја испуши цигарата. Зиелински и Инсиње постигнаа по еден гол за Наполи да стигне до 2:0 победа на гостувањето кај РБ Лајпциг, победа која не беше доволна за елиминирање на предноста на Германците, кои победија со 3:1 на „Сан Паоло“.
Германските домаќини претходно се пофалија дека му обезбедиле посебно место за пушење на италијанскиот стручњак, но Наполи сега може да се фокусира на одбраната на првото место во Серија А, наместо на европските натпреварувања.
Лацио немаше такви проблеми, откако со 5:1 го совлада ФЦСБ (поранешна Стеауа) благодарение на уште една одлична партија на Чиро Имобиле, кој имаше хет-трик против романскиот клуб.
Србија нема да има тим во осминафиналето, откако Партизан загуби со 2:0 на гостувањето кај Викторија Плзен во Чешка по 1:1 ремито во Белград. Атлетико Мадрид со минимални 1:0 ги совладаа Копенхаген за лесен помин, додека Зенит со 3:0 го „здрма“ Селтик за да ја наполни негативата од 0:1 од Шкотска.
ЛИГА НА ЕВРОПА, 1/16 ФИНАЛЕ
Локомотив Москва – Ница 1:0
Атлетико Мадрид – Копенхаген 1:0
Динамо Киев – АЕК 0:0
Лацио – ФЦСБ 5:1
Викторија Плзен – Партизан 2:0
РБ Лајпциг – Наполи 0:2
Спортинг Лисабон – Астана 3:3
Вилјареал – Лион 0:1
Зенит Санкт Петербург – Селтик 3:0