Полицаецот Енгин Чакин беше повикан да „растури“ тепачка меѓу навивачите на турскиот второлигаш Афјонспор, но наместо тупаници, тој доби пријатно изненадување и аплаузи од публиката.

АФЈОК, организираната навивачка група на второлигашот дознала дека полицаецот Чакин го прославува својот роденден на 15 февруари, истиот ден кога тие имаа меч со Коњаспор, и решиле да направат вистинско изненадување.

На полувреме, снимките покажуваа тепачка меѓу навивачите на домашниот тим, по што беа пратени полицајци, предводени од Чакин, но тепачката веднаш престана, а Чакин доби роденденска топка.

„Дел од нашата обврска е секогаш да внимавате на било какви нереди на трибините. Понекогаш мораме да одиме лице-во-лице со навивачите. Затоа сум многу изненаден, но и многу среќен. Ова покажува дека има љубов и поддршка и од нив“, изјави полицаецот.

Можеби инспирирани од ова, Афјонспор стигнаа до 4:0 победа.