Англискиот тренер на АДО Ден Хаг, Алан Пардју има кошмарен престој во Холандија, кој стана уште полош откако навивачите на клубот влегоа на тренинг-сесијата на клубот и му објаснуваа тактика нему и на фудбалерите.
Откако победи во првиот меч на чело на клубот, Пардју и Ден Хаг загубија трипати и одиграа реми двапати за да го остават клубот на шест поени од обезбедување на опстанок во лигата. Навивачите сметаа дека ситуацијата стигнала дотаму што тие морале да се уклучат и на фотографијата се гледа како се расправаат со Пардју и со фудбалерите објаснувајќи ја стратегијата со која треба да играат.
Според „Фудбал оранје“, инцидентот поминал без проблеми, а тренерот и играчите ги сослушале навивачите пред да продолжат со тренингот. Пардју изјави дека тимот е обединет.
„Мислам дека за жал се протнуваат некои несреќни и неточни вести. Од моето пристигнување тука има шпекулации, за раздорот меѓу холандските и англиските фудбалери, но тоа не е вистина. Глупостите ќе исчезнат кога ќе освојуваме поени“, изјави Пардју.
Den Haag fans have confronted manager Alan Pardew during training, with the club placed precariously in the Dutch Eredivisie.
In full ➡ https://t.co/ZQkUvAdB7s pic.twitter.com/asv67dfEdn
— BBC Sport (@BBCSport) February 27, 2020