Навивачите на Евертон го предупредија Рафаел Бенитез дека „знаат каде живее“, откако се верува дека поранешниот менаџер на Ливерпул наскоро ќе биде промовиран во нов менаџер на „карамелите“.
Фановите на „црвените“ уште гледаат со позитива кон Бенитез, кој шест години беше тренер на Ливерпул, а во 2005 година им ја донесе титулата од Лигата на шампионите со славниот триумф над Милан во Истанбул.
И покрај оваа врска, претседателот на Евертон, Фархад Мошири е сигурен дека шпанскиот тренер е најдоброто решение за тимот по заминувањето на Карло Анчелоти, влегувајќи директно во конфликт со навивачите.
Тие веќе поставија неколку банери пред „Гудисон парк“, но овојпат се помина линијата со банер со порака: „Знаеме каде живееш. Не потпишувај“ во близината на семејниот дом на Бенитез во Ливерпул, каде што живее со сопругата Марија и ќерките Клаудија и Агата.
This banner is online. It has been posted not far from where Rafa Benitez lives with his wife and his daughters. It’s sinister, it’s reprehensible and the people responsible for it should be ashamed. They are a disgrace. pic.twitter.com/6prhZt16vX
— Dominic King (@DominicKing_DM) June 28, 2021