И покрај тоа што ултрасите на Интер, Курва Норд, преку соопштение им порачаа на своите членови да не му посакуваат добредојде на Ромелу Лукаку, очигледно обичните навивачи на „нераѕурите“ се подготвени срдечно да го пречекаат белгискиот напаѓач при неговите медицински тестови во Милано.
Белгиецот пристигна во Интер од Манчестер јунајтед во 2019 за 74 милиони евра, за да освои скудето со италијанскиот клуб во 2021 година со 64 гола и 16 асистенции во 95 меча, пред Челси да плати 113 милиони евра за него. По разочарувачката сезона и неговата јавна желба да се врати во Италија, тоа му успеа.
Сега, 29-годишниот Лукаку беше пречекан од група на навивачи на Интер пред медицинските тестови во центарот на Италијанскиот олимписки комитет.
Live #Sportitaliamercato @tvdellosport pic.twitter.com/pTVQDG4o3t
— Michele Criscitiello (@MCriscitiello) June 29, 2022