„Ла газета дело спорт“ тврди дека иднината на Масимилијано Алегри на клупата на Јувентус е крајно неизвесна, и иако навивачите би сакале да добијат тренерско име како Антонио Конте или Зинедин Зидан, многу поверојатно е на клупата да седне уште еден поранешен играч на клубот, тренерот на Олимпик Марсеј, Игор Тудор.
Најголема причина е финансиската состојба во клубот, но и неизвесноста дали ќе им биде дозволен настап во европските купови следната сезона по заканите на УЕФА. Токму затоа, во Торино се фокусираат на намалување на трошоците и на долгорочно потпирање на играчите од нивната академија.
Тука влегува во игра Тудор, кој одлично го познава Јувентус од деновите како играч, но и како помошник на Андреа Пирло. 45-годишниот Хрват има солидна сезона со Марсеј и има договор до јуни 2024 година. Тој ја покажа својата љубов кон Јуве во август 2020, кога го напушти Хајдук за да биде помошник на Пирло.
L'Inter, la Juve e la rifondazione: oltre i nomi di Conte e Zidane c'è di più https://t.co/t5EGYlMGXK
— La Gazzetta dello Sport (@Gazzetta_it) April 28, 2023