„Кохорта“, навивачката група на хрватскиот прволигаш Осиек стана хит на Интернет откако го исчисти теренот на стадионот „Градски врт“ пред мечот со Интер Запрешиќ за нешто помалку од три часа.
По ова, Осиек најави дека ќе ги награди навивачите финансиски, а тие како вистински фанови на фудбалот решија да ги пренасочат парите во хуманитарни цели, односно во лекување на една девојка од Осиек.
„Заедничката акција на отстранување на снегот беше успешна. Во седум часот наутро се појавија двестотина навивачи, луѓе од клубот и членови на младинскиот тим кои за два часа го исчистија теренот. Мотивот не беше паричен, туку само љубов кон клубот. Клубот реши да го плати работниот час со 25 куни, но членовите на ’Кохорта’ решија да ги пренасочат парите кон Дијана Врањеш, која мора да оди на операција на колкот“, се вели во соопштението на клубот.
Фантастичен гест. Клубот врати инаку со 6:0 победа во мечот.
