Марко Верати, покрај Килијан Мбапе, беше еден од клучните играчи на ПСЖ во победата над Реал (1:0) во осмина-финалето, во Лигата на шампионите.
Во последните 20 минути на теренот се најде и Нејмар, кој паузираше од 28.ноември минатата година. Бразилецот, по мечот ја фалеше играта на Верати. Италијанскиот репрезентативец имаше 92 отсто успешни додавања.
„Знаев дека тој е исклучителен фудбалер, но не бев свесен дека е спектакуларен. Тој е гениј, еден од најдобрите играчи од редот за врска со кои сум играл, покрај Чави и Иниеста“, рекол Нејмар.
Верати е играч на ПСЖ од 2012 година. Тој во Париз се пресели од Пескара. Интересно италијанскиот репрезентативец никогаш не играл во Серија А.