Нејмар во 2017 година, во летниот преоден рок, направи рекорден трансфер. ПСЖ за неговите услуги на Барселона и платија 222 милиони евра, а на играчот му дадоа годишна плата од 37 милиони евра.
Статистиката вели дека Нејмар во досегашната кариера одиграл 80 од можните 155 натпревари за ПСЖ. Доколку статистиката се гледа преку парите, овое бројки значат дека Најмар добро го наплатува престојот на „Паркот на принцовите“.
Бразилецот одиграл 80 натпревари за три години што претставува просек од 26 натпревари по сезона. Бидејќи годишната плата му е 37 милиони евра тоа значи дека за секој одигран натпревар заработил 1,4 милиони евра.
Кога ќе се спојат сите три сезони тоа значи дека одиграните натпревари Бразилецот ги наплатил со 111 милиони евра.
И покрај тоа што бројките покажуваат дека ПСЖ фрлиле многу пари за Нејмар тие немаат намера да се откажат од него. Во обид да го убедат да остане во Париз тие се подготвени да му ја зголемат годишната плата на 50 милиони евра.