Кристијан Ериксен вчера се врати во данската репрезентација со гол при 4:2 поразот од Холандија првпат по срцевиот напад кој го имаше на ЕУРО 2020, и иако доби овации од холандските фанови кога влезе во игра, некој кретен по крајот на мечот реши да го гаѓа фудбалерот на Брентфорд со паричка.
По 287 дена настапот на Ериксен на „Јохан Кројф арената“, каде што многупати беше херој на навивачите додека беше фудбалер на Ајакс, овој чин не успеа да го наруши неговиот оптимизам при давањето на интервју на крајот на мечот.
„Имав среќа што топката доје кај мене и беше совршен начин да се продолжи мојот интернационален камбек. Ако се одземе резултатот, јас сум среќен човек. Чувството беше одлично“, изјави Ериксен.
Some fan threw a coin at Christian Eriksen during his post-match interview.?♂️#ForDanmark #NEDDEN pic.twitter.com/y2xJrpLdl0
— Danish Football (@DANISHF00TBALL) March 27, 2022