Шериф, шампионот на Молдавија, ја приреди една од најголемите сензации во историјата на Лигата на шампионите. Легијата на странци, синоќа, среде Мадрид, го победија Реал со 2:1.
„Тажни сме. Повеќе сме тажни, не сме загрижени. Игравме со висок интензитет, некои ситни грешки не однесоа во пораз. Можевме да бидеме прецизни во завршницата. Во некои моменти немавме среќа. Шериф добро се бранеше и беше убиствен во нападот. Тешко е да се објасни ова…“, рекол тренерот на Реал, Карло АНчелоти.
Реал во третото ќе гостува кај Шахтјор. По првите две кола, Д-групата ја предводи Шериф со шест бода, Реал има три, а Интер и Шахтјор по еден бод.