Поранешниот капитен на Манчестер Јунајтед Гери Невил вели дека Џејдон Санчо е далеку од тоа да биде „светска класа“. Санчо е фудбалер кој Манчестер Јунајтед ќе се обиде да го донесе во летниот преоден рок.
Санчо има брилијантна сезона во Борусија Дортмунд поради што го привлече вниманието на богатите клубови. Неговата цена изнесува околу 130 милиони евра.
„Џејдон Санчо во овој момент…Малку се занесуваме. Мислам дека во Англија има многу одлични фудбалери, но постојат други играчи и во Бразил, Аргентина и во останатите земји“, рекол Невил и дополнил.
„Не верувам дека имаме златна генерација, не би го рекол тоа. Велите дека генерацијата на Бекам, Џерар, Лампард и Руни беше златна, но Бразил ги имаше Роналдо, Ривалдо и Ронадлдињо каква е тогаш таа генерација? Чекајте малку, Аргентина ги има Агуеро, Игуаин, Меси и Ди Марија. Каде се тие во однос на Санчо, Џејдон не ниту блиску до нив. Тој е талент, но мора да освојува трофеи за да може да се споредува со споменатите играчи“, заклучил Невил која работи како аналитичар за „Скај Спортс“.