Силно невреме со дожд и грмежи ги наруши последните подготовки на Шпанија и Аргентина пред финалето на Светското првенство.
Тренингот на Аргентина бил одложен за 45 минути поради грмотевици, но светските шампиони подоцна успеале да го реализираат планираниот тренинг.
Шпанија, пак, немала толку среќа. Нејзиниот тренинг, по првичното одложување, бил целосно откажан поради лошите временски услови.
Селекторот на Аргентина, Лионел Скалони, претходно изјави дека неговата репрезентација веќе имала проблеми со временските услови за време на турнирот, а поради доцнење на патувањето и обврските кон медиумите морале и да скратат еден од тренинзите.
Според прогнозите, за неделното финале се очекува сончево време и минимални шанси за дожд.