Еден од најважните играчи во историското успех на Манчестер сити минатата сезона, кога клубот ја освои тројната круна, Бернардо Силва реши да остане на „Етихад“.
На почетокот на летото се чинеше дека заминувањето на Португалецот е завршена работа. Наводно, португалскиот играч за врска сакал да се пресели во Барселона.
Сепак, шпанскиот шампион не успеа да го конкретизира тој трансфер и на крајот Силва реши да остане на „Етихад“. Тој потпиша договор на уште три години.
„Овде во Манчестер сити можам да продолжам да победувам. Го сакам клубот, менаџерот, моите соиграчи, навивачите. Среќен сум што можам да го продолжам мојот престој овде. Возбуден сум што ќе бидам дел од тим кој има толку глад и страст“, изјави Силва.
Official, confirmed. Bernardo Silva has signed new contract at Manchester City until June 2026 🚨🔵🇵🇹 #MCFC pic.twitter.com/13J6oNBz27
— Fabrizio Romano (@FabrizioRomano) August 23, 2023