Лестер, Барнли и Кристал Палас запишаа гостински победи во 33 коло, во Премиер лигата на Англија.
Играчите на Њукасл доминираа против Кристал Палас, но на крајот бодовите од „Сент Џејмс Парк“ ги однесоа гостите од Лондон. Капитенот на Кристал Палас го постигна единствениот гол во 81 минута од пенал.
Барнли кај Борнмут имаа негатива од еден гол по само четири минути игра, а сепак забележаа убедлива победа. Предноста на домаќинот ја престигнаа уште во првиот дел со головите на Вуд и Вествуд, а ја потврди Барнс во 56 минута.
Лестер ја оправдаа фаворитската улога кај Хадерсфилд, тим што веќе испадна од Премиер лигата. Два гола постигна Варди, а по еден Тилеманс и Мадисон. Почесниот гол за Хадерсфилд го постигна Мој.