Баерн ќе го казни Мануел Ноер парично и ќе му ја одземе капитенската лента, поради непримерни изјави во медиумите, пренесува „Билд“.
Голманот, по враќањето од Светското првенство, направи неколку потези кои можат да имаат големо влијание на неговата кариера.
Ноер, најпрвин ја прекрши клупската наредба, замина на скијање, каде ја скрши раката и ја заврши сезоната.
Потоа даде интервју, во кое го критикуваше клуспкото рководство кое му врачи отказ на тренерот на голамните, Тони Топаловиќ. Ноер е голем пријател со Топаловиќ, покрај тоа тој е и кум на неговиот син.
Челниците на клубот остро реагираа и порачаа дека е непримерно капитенот јавно да го клевети Баерн и да го нарушува углед на клубот..
„Билд“, пишува дека Баерн за ова ќе го казни Ноер во висина од една бруто месечна плата која изнесува 1.600.000 евра и ќе му ја одземе капитенската лента.
Прашање е каков статус ќе има во клубот откако ќе се рехабилитира од повредата. Голем број на германски медиуми пишуваа дека тој повеќе не е добредојден во Баерн.
Баерн во јануарскиот преоден рок како негова замена го доведе Јан Зомер од Менхенгладбах, а под договор е и Александар Нибел кој моментално е позајмен во Монако каде што брани добро во изминатите 18 месеци.