Мануел Ноер, голманот на фудбалската селекција на Германија на првиот собир на „панцирите“ се појави со патики од марката „Веха“, иако тој има потпишано долгогодишен договор со Адидас. Тоа подразбира дека мора да носи од нивната брендирана облека.
За најновиот кикс на Ноер се бесни во Адидас кои, се чини, скапо го плаќаат за соработката.
„Како играч кој е под договор со Адидас, Мануел Ноер мора да ги носи нашите производи. Дополнително ќе се договориме со играчот во врска со ова“ – порачаа од компанијата.
33-годишниот голман на Баерн и на „панцирите“ може да биде драстично казнет, но проблемите со Адидас не му е единствените.
Германската фудбалска јавност смета дека тој веќе не заслужува да биде „прва единица“ во селекција, затоа што голманот на Барселона, Марк-Андре тер Штеген е во подобра форма во моментов.
Adidas are irritated by Manuel Neuer wearing Veja sneakers at his arrival to the national team. An Adidas spokesman told Bild: "As an Adidas contracted player, Manuel Neuer is required to wear Adidas products. We will discuss this specific case with the player." pic.twitter.com/teSwfWQVka
— Bayern & Germany (@iMiaSanMia) October 8, 2019
Сепак, ова не е прв скандал што го предизвика Ноер, а е исто така поврзан со Адидас.
Имено, во април годинава, голманот се појави на прес-конференција во дуксер со логото на американскиот спортски бренд Чемпион кој е конкурент на Адидас. Поради тоа се очекува дека „казната“ од компанијата нема да биде мала.
Adidas are mad at Manuel Neuer for wearing a „Champion“ hoodie during today's press conference [Bild] pic.twitter.com/FW0vpOsVyg
— Bayern & Germany (@iMiaSanMia) April 17, 2019