Марио Геце ќе биде во аут шест недели откако доби повреда на скочниот зглоб во саботното 4:4 реми во дербито на Рур против Шалке.
Геце го постигна третиот гол за Борусија Дортмунд за неговиот тим да дојде до 4:0 водство, пред да им се случи „колапс“ во второто полувреме на „Сигнал Идуна парк“ и да одиграат 4:4. Геце беше заменет во 78. минута од Гонзало Кастро.
? Bad news everyone: Midfielder @MarioGoetze sustained partial ligament tears in his upper and lower ankle in the Bundesliga match against @s04_en on Saturday. It is estimated that the 25-year-old will be out of action for approximately six weeks. Get well soon, Mario! pic.twitter.com/pDN7p6h4us
— Borussia Dortmund (@BVB) November 27, 2017
„Марио Геце ќе биде во аут поради скинати лигаменти во горниот и долниот дел на десниот скочен зглоб. Тој нема да може да игра шест недели. Брзо опоравување, Марио“, напишаа Борусија на официјалниот Твитер профил.
Геце, кој стана славен со постигнувањето на победничкиот гол на СП во 2014 година против Аргентина, се бори со повреди и со физичка подготвеност по враќањето во Дортмунд од Баерн Минхен во 2016 година. 25-годишниот напаѓач имаше повреди на бутниот мускул и коленото од август до декември 2016, пред да го пропушти вториот дел од сезоната поради проблеми со метаболизмот.