Викендов, играчот на Sport Life во Свети Николе успеал да ги погоди сите 6 натпревари на своето ливче и да се впише во листата на освојувачи на милионски суми од „Спорт Лајф“.
Избрал мечеви кои не се дел од врвните Топ 5 лиги, а се искачил на врвот, вложувајќи 850 денари. Добитната комбинација се состоела од типување на точна прогноза за победникот на мечот и дека на истот ќе има три и повеќе голови.
Мечевите кои ги одбрал иако од различни првенства навистина му се наредиле: Од шведското првенство победа на Норкопинг со 3:0 против Ѓургарден, од германската Цвајта (втора лига) 3:1 за Дармштад против Вехен, и тоа со пресврт во второто полувреме, а Штутгарт без проблеми и убедливо со 6:0 го победил Нирнберг на гости.
Интересно е дека на мечот меѓу Бран и Викинг конечниот резултат од 3:0 бил постигнат дури во продолжението во 94 минута, а за малку милионот ќе бил загубен да не бил промашен пеналот за гостите досуден во 79 минута.
Сè на сè возбудлива и богата со голови игра за висока милионска добивка, и тоа по втор пат за една недела во „Спорт Лајф“.
