Светските вицешампиони, Хрватска го продолжија успешниот низ на квалификации за Мундијалите, откако во одлучувачкиот меч против Русија стигнаа до 1:0 победа и покрај невозможните услови на игра на „поплавениот“ „Пољуд“ во Сплит, благодарение на смешен автогол на гостите. За Русите, ова значи пат во баражот, каде што ќе станат еден од потенцијалните противници на Македонија, секако, доколку вечерва успееме да ја совладаме репрезентацијата на Исланд.
По подолго време, тимот на Златко Далиќ се врати во Сплит во клучен меч, но овојпат ниту одличната атмосфера не помогна да се надминат временските проблеми – силниот дожд го претвори теренот на „Пољуд“ во вистински базен, со многу места на теренот каде што беше практично невозможно да се игра.
Хрватска притисна од почетокот, и имаше повеќе шанси пред голот на Матвеј Сафонов, но на крајот недостасуваше реализација. Кога изгледаше дека ситуацијата е безизлезна, рускиот дефанзивец Фјодор Кудрјашев во 81. минута си постигна смешен автогол за да ги прати „коцкестите“ во Катар.
#WorldCupQualifiers between Croatia and Russia being played on the most waterlogged pitch ever, makes for fun viewing though ? #football #CRORUS pic.twitter.com/sOBLxdm8FI
— Ryan Austin (@Evoryan3) November 14, 2021
КВАЛИФИКАЦИИ ЗА СП, ГРУПА Х
Хрватска – Русија 1:0
Словенија – Кипар 2:1
Малта – Словачка 0:6