Шефот на Независното регулаторно тело на фудбалот, Дејвид Коган, изјави дека одлуката за жалбата на Манчестер Сити може да се донесе следната година.
Во септември, Независната комисија, по повеќе од четири години, пресуди дека Манчестер Сити е виновен по 114 од 115 обвиненија за кршење на правилата на Премиер лигата.
Сити сè уште тврди дека не направил ништо погрешно и поднесе жалба на одлуката на Независната комисија.
„Премиер лигата изјави дека сака целиот случај да биде завршен во текот на оваа сезона. Секако, тоа не може да го одлучи самата Премиер лига, туку Независна комисија составена од тројца пензионирани судии и адвокати.
Според прописите, процесот мора да биде завршен за 12 недели и сите претпоставуваат дека до средината на јануари ќе биде донесена одлуката. Но, тоа не е процес за кој ние одлучуваме, тоа е до Независната комисија. Не мислам дека треба да претпоставуваме ништо додека не добиеме јасни информации.
Сити тврди дека има некаков доказ, некаков „сребрен куршум“ за да докаже невиност. Не е наша работа да тврдиме нешто додека процесот не заврши, но верувам дека ќе знаеме сè на почетокот на следната година“, рече Дејвид Коган за Times Radio, партнерска компанија на TalkSport.
Foto/ Depositphotos