Ни по 20 години фудбалерите на Србија нема да имаат можност да играат на едно Европско првенство во фудбал. Пропуштија шанса против Шкотска, на домашен терен, преку Лигата на нации.
Јавноста по обичај по ваков неуспех бара виновници, но во Србија нема дилеми дека прв ќе „лета“ селекторот Љубиша Тумбаковиќ.
Дел од српските медиуми пишуваат дека мечевите против Унгарија и Русија ќе бидат последните за Тумбаковиќ на селекторското столче.
Во неговиот договор со ФСС има клаузула доколку Србија се пласира на ЕП, тој да биде селектор до 1 август 2021 година.
Се шпекулира и со неговите можни наследници. Се споменуваат имињата на Владан Милоевиќ, Драган Стојковиќ – Пикси, Саво Милошевиќ, Славиша Јокановиќ, Владимир Ивиќ и Вељко Пауновиќ.