Фудбалерот со најдолг стаж во Ливерпул, од играчите кои се во овој момент во клубот, во летниот преоден рок ќе го напушти „Енфилд“. Џо Гомез цела деценија е во Ливерпул, но дојде време да се раздели со клубот.
Гомез ќе го напушти „Енфилд“, но нема да има тешка задача да најде нов клуб. Интересот за него е голем.
Астон Вила, Борнмут, Барнли, Евертон, Лидс, Њукасл, Сандерленд и Вест Хем се во борба за потписот на дефанзивецот.
Астон Вила, Њукасл и Вест Хем имаат најголеми финансиски шанси, а прашањето е каква улога сака Гомез во новиот тим. Доколку сака да биде лидер во одбраната, тогаш тимови како Сандерленд и Лидс, кои штотуку се промовираа во Премиер лигата, би му одговарале повеќе.
Ливерпул ќе го пушти Гомез за 25 милиони фунти.