Реал Мадрид беше со 10 играчи и губеше со 0:1 од аутсајдерот Елче во осминафиналето на Копа дел реј, кога на сцена стапија двајца фудбалери кои се сметаат за „отпишани“ од „кралевите“, Иско и Еден Азар, кои беа креатори на фантастичен камбек и 2:1 победа.
Откако во регуларните 90 минути од мечот немаше голови, во 102. минута од продолжението Марсело доби црвен картон, за само две минути подоцна, Гонзало Верду да постигне гол за неверојатно водство на домаќинот.
Среќата на Елче траеше кратко, и за тоа беа одговорни две замени. Иско во 108. минута успеа да израмни за тимот на Карло Анчелоти, пред Азар во 115. минута да обезбеди четврт-финале за „кралевите“.
#CopaDelRey ??#Elche 1️⃣-2️⃣ #RealMadrid
Edén Hazard se saca al arquero y anota el gol de la ventaja para el Real Madrid.#ElcheRealMadridpic.twitter.com/7809SbqHsD
— Ritual Fútbol (@ritual_futbol) January 20, 2022