Поранешниот фудбалер на Манчестер Јунајтед, Пол Сколс, смета дека „црвените ѓаволи“ во наредните две сезони нема да бидат конкурентни во борбата за титулата во Премиер лигата.
Фудбалерите на Манчестер Јунајтед во првите четири кола два пати ремизираа, забележаа победа над Челси и беа поразени од Кристал Палас.
„Речиси и да можеме да ги отпишеме Манчестер Јунајтед во наредните две години. Додека Оле не го среди тимот онака како што тој сака. За нешто такво му се потребни четири трансфер периоди“, рекол Сколс.
„Јасно е дека Јунајтед ќе бидат позади Сити, Ливерпул, Челси и Тотенхем. Сепак треба да бидеме трпеливи, на младите фудбалери им е потребно време за да го стекнат неопходното искуство“.
Оле Гунар Солскјер ги презеде Манчестер Јунајтед во декември минатата година кога отказ доби Жозе Мурињо.