Месут Озил можеби им оди на нерви на многу фанови на Арсенал, но ниту тие нема да можат да останат рамнодушни на одговорот на германскиот фудбалер околу нивните ривали Тотенхем.
Арсенал минатата сезона го освоија ФА купот, за да го зголемат рекордот на 14 трофеи, додека Тотенхем веќе 12 години во низа се без трофеј. Озил, кој воопшто не играше во финалето против Челси на почетокот на август на прашање дали повеќе би сакал да игра за Тотенхем или да се повлече, одговори на совршен начин.
„Ако не сакам да освојам куп, тогаш ќе одам таму“, одговори кратко 31-годишниот Озил на прашањето на навивачот.
If I don’t want to win a cup, I should go there ?? #YaGunnersYa❤️#AskMesut https://t.co/j6O0l7nV0P
— Mesut Özil (@MesutOzil1088) September 9, 2020