Пак без шанса – четири порази во низа за Џенова

Андриј Шевченко не успеа да ја врати самодовербата во најстариот италијански фудбалски клуб Џенова, откако популарните Грифоне, со Горан Пандев како стартер против неговиот поранешен клуб, загубија со 3:1 од Лацио на „Олимпико“ во меч од 18. коло во Серија А.

Педро во 36. минута го „скрши“ отпорот на Џенова за 1:0 водство, а во второто полувреме капитенот Франческо Ачерби во 75. минута и Матија Ѕакањи во 81. минута ја осигураа победата на тимот на Маурицио Сари. Филипо Мелегони во 85. минута успеа да намали на 3:1.

Џенова останува претпоследна во Серија А со само 10 освоени поени, два помалку од Специја, додека Лацио сега се осми со 28 поени.