Македонската фудбалска легенда Горан Пандев неодамна и официјално објави крај на активната кариера, но не мирува и работи на нов проект за доброто на македонскиот фудбал. Тој потпиша договор за соработка меѓу Академија Пандев и италијанскиот аматерски клуб Брера, а раководството на тој клуб треба да му помогне да направи „бум“ во нашиот фудбал.
„Здраво, јас сум во Милано, заедно со претседателот на ФК Брера, Алесандро Алеоти. Следете не, се враќаме во Струмица, не очекува еден голем проект за доброто на македонскиот фудбал и на градот Струмица“, порача Пандев.