Фудбалскиот клуб Партизан доживеа фијаско на европската сцена. Црно-белите поставија нов, срамен рекорд, испадна од квалификациите за сите три европски натпреварувања. Минатата сезона ова му „успеа“ на украински Днипро. Инаку, украинскиот клуб годинава згасна и повеќе не постои.
Црно-белите не успеаја да ја надополнат негативата од првиот меч против Гент. Згора на тоа, загубија и во Белгија и со тоа европската сезона ја завршија на крајот од август. Од трите натпреварувања на УЕФА, Партизан испадна за само 36 дена.
Партизан, сезоната ја започна во второто квалификациско коло за пласман во Лигата на шампионите. Црно-белите беа демолирани во двата натпревари против Динамо Киев. Украинците со вкупен резултат 9:2 се пласираа во следната рунда, а Партизан продолжи во квалификациите за пласман во Лига Европа.
Противник во третото коло, во Лига Европа на Партизан му беше Лугано. Швајцарците во Белград славеа со 1:0. Во реваншот Партизан избори продолженија, откако во 90 минути резулатото беше 1:2. Но Швајцарците во првото продолжение со играч помалку постигнаа гол и го елиминираа српскиот тим.
На крајот Партизан не успеа ниту против Гент, во плеј-офот за пласман во Конференциската лига. Двата натпревари Белгијците го добија со по 1:0.
🚨 🇷🇸 Partizan Beograd became the ONLY club in this European season that got eliminated in all 3/3 ties in the European competitions:
❌ Champions League – QR2
❌ Europa League – QR3
❌ Conference League – PO pic.twitter.com/e83c7sdvDO
— Football Rankings (@FootRankings) August 28, 2024