Селекторот на фудбалската репрезентација на Србија, Драган Стојковиќ Пикси, по неколку месеци реши да проговори за случувањата на Светското првенство во Катар. Тој ги отфрли сите наводи за какви било скандали и истакна дека сѐ е измислено за да се внесе негативна атмосфера во тимот.
„Орлите“ одиграа многу лошо првенство и освоија само бод во групата со Бразил, Швајцарија и со Камерун.
„Сето тоа е фарса, претерување, измислување афери. Сето тоа е нормално, затоа што ако победувавме, ништо немаше да излезе од тоа“, изјави Стојковиќ.
„Сѐ беше во ред. Тие што беа во хотелот во Катар можеа да видат. Кои жени? Што зборувате? Дојде жената на Митровиќ со синот, помина еден час со него. Не можеше да се спие во нашиот хотел, ниту можеше да се влезе во нашиот дел. Бевме целосно изолирани. Организацијата беше совршена, како и однесувањето на играчите. Не читав ништо затоа што и не ме интересираше. Ние бевме посветени на натпреварите”, изјави Стојковиќ за српските медиуми.