Интер со победата од 3:0, преку градскиот ривал Милан, избори место во финалето на Купот на Италија.
Лаутаро Мартинез постигна два гола во првото полувреме, во второто Милан силно притиснаа, а впечаток е дека мечот беше решен во 66.минута, кога беше поништен голот на Исмаел Бенасер.
Судијата Маријани имаше долга комуникација со колегите во ВАР собата, потоа неколку пати ја гледаше снимката и пресуди дека Калулу му попречил на Хандановиќ во моментот кога Бенасер ја упати топката кон голот.
„Погледнете ја реакцијата на Хандановиќ. Тој не се жали. Кажете ми дали на голманот, кој не реагираше на ударот, му било блокирано видното поле. Тој воопшто не реагираше, а фудбалерите на Интер бараа играње со рака, за ситуацијата која и претходеше на голот“, рекол тренерот на Милан, Стефано Пиоли и потоа ја напушти прес конференцијата.
Интер за титулата во Купот ќе игра против победникот од натпреварот Јувентус-Фиорентина. Реваншот, овие два тима ќе го одиграат вечерва во Торино.
Pioli vede le immagini del gol annullato e lascia la conferenza pic.twitter.com/VIb717G01H
— investcorp (@colisacosban) April 19, 2022