Поранешниот менаџер на Вест Бром и Стоук, Тони Пјулис е именуван за нов тренер на Мидлзборо, во обид второлигашкиот клуб итно да се врати во Премиер лигата.
Боро го отпуштија Гери Монк по саботната 2:1 победа над Шефилд Венсдеј, кои исто така го отпуштија тренерот Карлос Карваљал по поразот. Мидлзборо се на 9. место на табелата, три поени зад место кое носи во плеј-офот.
Middlesbrough Football Club are delighted to confirm the appointment of Tony Pulis as manager
➡️ https://t.co/vFepPbvrKv #UTB pic.twitter.com/ZXyIbNBWFb
— Middlesbrough FC (@Boro) December 26, 2017
Пјулис беше отпуштен од ВБА минатиот месец, по што беше еден од главните кандидати за местото на велшки селектор, пред да се реши за клубот од Чемпионшипот.
„Сакав вистински предизвик, и тука го имаме тоа. Претседателот на Боро, Стив Гибсон е фудбалски човек кој го разбира спортот и имам огромна почит кон него. Првиот предизвик е да го научам тимот бргу и да освоиме што е можно повеќе поени“, вели Пјулис.