Интер со „магичен“ пресврт во второто полувреме стигна до фантастична 4:2 победа над градскиот ривал Милан во „Дерби дела мадонина“, и првите напаѓачки ѕвезди на двата клуба не изддржаа да не упатат по некоја провокација кон ривалот.
Милан го имаше мечот под контрола со гол и асистенција на Златан Ибрахимовиќ за 2:0 водство, о Интер се врати со два гола за три минути, пред во финишот на мечот, Ромелу Лукаку да го комплетира триумфот и го закачи дресот на знаменцето за корнер пред да го крене високо. Подоцна тој ја сподели фотографијата со едноставна порака: „Има нов крал во градот“.
Секако, ова може да биде протолкувано како порака кон неговиот поранешен соиграч од Манчестер јунајтед, Златан Ибрахимовиќ.
there’s a new king in town pic.twitter.com/w9yv4cVzrJ
— R.Lukaku Bolingoli9 (@RomeluLukaku9) February 9, 2020
Ибрахимовиќ беше лут на соиграчите за лошото второ полувреме по кое Милан е само 10-ти, а Интер е во игра за прва титула од 2010 заедно со Јувентус и Лацио. Но, на прашањето дали Интер може до титулата, Швеѓанецот е јасен.
„Не!“, отсече Ибрахимовиќ и веднаш си замина.
Ibra la tocca pianino
Giornarlista:
“Questa Inter è da scudetto?”
Ibrahimovic: “NO”pic.twitter.com/ZkRmlK5Dmd— SJP1897™ Official ⚪⚫ (@SJP1897) February 10, 2020
Милано вечерва е „црно-син“, Интер по антологискиот пресврт е пред Јуве (видео)