Фаворитите успешно го минаа третото коло во ФА купот. Ливерпул и Тотенхем со пресврт славеа против третолигашите Шрузбери и Морекомб, додека Вест Хем ја добија премиерлигашката пресметка со Лидс јунајтед.
Шрузбери со голотна Јудо, го шокираше „Енфилд“ во 27.минута. Седум минути подоцна израмни 17-годишниот Гордон. За Гордон ова беше првиот гол во сениорска конкуренција. Целосен пресврт донесе Фабињо со гол од пенал. Фирмино во вториот дел зголеми на 3:1, а конечните 4:1 ги постави Фабињо со својот втор гол.
Драматично беше на стадионот на Тотенхем во Лондон. Морекомб имаа предност од 33. до 74.минута со голот на О’Конор.
На 15.минути до крајот израмни Винкс, а птооа Моура и Кејн го однесоа Тотенхем во наредната рунда.
Вест Хем со головите на Ланцини во првото и Боувен во второто полувреме го победи Лидс јунајтед со 2:0.