Тревор Френсис, поранешниот англиски репрезентативец и ѕвезда на Нотингем форест, починал на 69 години во својот дом во Марбелја, Шпанија, објавија англиските медиуми.
Френсис беше првиот фудбалер за кого беа платени милион фунти и беше клучен играч во Нотингем форест на Брајан Клоф, кои ја освоија европската титула во 1979 година. Френсис ја почна кариерата во Плимут и Бирмингем сити, за во 1979 година да стане најскапиот фудбалер на светот кога Нотингем форест платија 1 милион фунти за неговиот трансфер. Легендарниот тренер Клоф изјавуваше дека сумата која ја платиле била 999.999 фунти за сумата да не му „удри во главата“. Френсис го постигна победичкиот гол на „Олимпико“ во Рим против Малме за да стане легенда на Форест.
Во 1980 година, тој се пресели во Манчестер сити, а потоа играше и во италијанските Сампдорија и Аталанта, за кариерата да ја заврши со шкотскиот Ренџерс. По крајот на кариерата, Френсис беше менџер во Квинс парк ренџерс и Шефилд венсдеј.
Според британските медиуми, најверојатната причина за смртта е срцев напад.
I never, ever tire of watching this goal. RIP Trevor Francis, one of the Miracle Men #nffc pic.twitter.com/LLagu8nc6k
— The Famous Club (@TheFamousCIub) July 24, 2023