Милан имаа загуба од 126 милиони евра во едната единствена сезона под водство на кинескиот газда Ли Јонгхонг.
Сметките на клубот покажуваат дека во периодот од 1 јули 2017 до 30 јуни 2018 година, Милан загуби 53 милиони евра повеќе од минатата година. Ова доаѓа и покрај тоа што приходот на клубот се зголеми од 212 на 255 милиони евра, а трошоците се зголемија од 273.9 милиони евра на 354 милиони евра.
Сметката сега треба да биде одобрена од сегашните сопственици „Елиот менаџмент“ на состанокот на акционерите на 25 октомври. Ли го купи клубот од поранешниот италијански премиер Силвио Берлускони, и тоа со заем кој го зема од „Елиот“, и откако не ги плаќаше долговите, Американците ја презедоа контролата на клубот.