Поранешниот фудбалер на Пари Сен-Жермен, Жордан Диакисе почина на само 24 години, потврди неговиот актуелен клуб, Фуријани Аљани, кој се натпреварува во аматерските француски лиги.
Се верува дека тој починал во Париз во четвртокот, но не се објавува причината за смртта.
Диакисе е продукт на младинските школи на ПСЖ, пред во 2012 година да се приклучи на нивниот Б-тим и да има настапи за француската У20 репрезентација. Меѓутоа, неговиот прогрес не беше очекуван и тој беше ослободен од договорот во 2015 година. Дефанзивецот потоа играше во Шо-де-Фон, пред да игра и во хрватскиот Рудеш, а потоа и во Фуријани.