Менаџерот на Тотенхем, Антонио Конте, до крајот на неделата ќе го добие посакуваното засилување. Тотенхем и Спортинг Лисабон се блиску до конечен договор околу трансферот на Педро Поро.
Клубот од Лисабон упорно инсистираше Тотенхем да ја платат откупната клаузула од 45 милиони евра, но како што стојат работите Спортинг ќе се согласи на да го продаде фудбалерот за 40 милиони евра.
Личните услови не се проблем, Поро веќе ги договорил сите детали до летото 2027 година и само чека Спортинг да ја прифати понудата и да одлета за Лондон.
Инаку, тој е десен бек, многу офанзивен, па ќе биде перфектен како крилен напаѓач во омилената формација на Конте 3-4-3.
Тотенхем, кога ќе го реализира трансферот на Поро, ќе му дозволи на Емерсон Ројал или Мет Доерти да го напушти клубот.
Тотенхем моментално е петти на табелата со 36 бодови, три помалку од Њукасл и Манчестер јунајтед кои имаат и натпревар помалку.