Тренерот на Спортинг, Рубен Аморим веќе даде позитивен одговор за наследник на Јирген Клоп!
Португалските медиуми денеска пренесуваат дека Аморим веќе им кажал на своите најблиски луѓе и соработници дека е подготвен да го преземе Ливерпул и да ја прифати понудата од „Енфилд“.
Сепак, најпрво сака да остане фокусиран на двојната круна во Португалија, со која сака да се прости од Лисабон.
Спортинг е лидер во првенството со бод повеќе од Бенфика, а воедно има и натпревар помалку. Исто така, Спортинг и Бенфика се борат за трофејот во Купот на Португалија, во првиот полуфинален меч Спортинг победи со 2:1, а во вторник е закажан реваншот.
Аморим нема големо тренерско искуство надвор од Португалија, но во татковината навистина бележи импресивни резултати. Прво ја водеше Брага, а потоа во март 2020 година го презеде Спортинг, со кој досега успеал на дури 203 натпревари.
Откако Чаби Алонсо реши да остане во Леверкузен, дали Аморим е најдоброто решение за Ливерпул?