Поранешниот менаџер на Тотенхем и Селтик, Ангелос Постекоглу, ќе стане нов менаџер на Нотингем Форест, тврдат сите релевантни британски медиуми.
Откако Нуно Еспирито Санто беше отпуштен доцна во понеделникот, сопственикот на Нотингем Форест, Евангелос Маринакис, брзо пронајде замена. Се чини дека ќе може многу подобро да соработува со новиот менаџер бидејќи ангажираше сонародник.
Новиот менаџер на Форест ќе биде Грк од Австралија, Ангелос Постекоглу, кој беше менаџер на Селтик две сезони, а потоа и на Тотенхем две сезони. Постекоглу претходно водеше тимови во Јапонија и Австралија, а беше и селектор на Австралија.
Постекоглу својот најголем успех како менаџер на Спарс бидејќи им го донесе трофејот од Лигата на Европа минатата сезона.
Иако тоа беше првиот трофеј за Тотенхем по 2008 година, Постекоглу беше отпуштен.
Медиумите пишуваат дека Постекоглу потпишал договор до јуни 2027 година, како и дека бил јасен фаворит за позицијата нов менаџер на тимот.
Foto/ EPA