Ривалдо си замина од Светското првенство во 2002 со заслужениот златен медал со моќниот Бразил, но исто така беше и актер во едно од најсмешните глумења во историјата, за кое беше казнет и од ФИФА.
Во меч од групната фаза против Турција, Хакан Унсал ја шутна силно топката кон Ривалдо, кој во финишот на мечот се „влечеше“ со изведување на корнер. Топката го удри во колено, но Ривалдо се фати за лицето, а Унсл доби црвен картон.
Публиката на стадионот во Јужна Кореја, го исвирка судијата Ким Јанг-Џу и ја фрли во сенка 2:1 победата на Бразил. И покрај бунтот на новинарите, Ривалдо доби само парична казна.
„Јас бев жрвта и казнет во случајов. Да, топката не ме удри во лице, но јас бев жртвата. Никој не кажува што направи Турчинот“, се правдаше Ривалдо.
Сепак, мечот се заборави откако Ривалдо постигна пет гола, а Роналдо имаше седум гола, за Бразил да ја освои титулата со совршени седум победи во седум меча.