Top Sport

Пред пет години, Роналдо им даде пет на Гранада во неверојатна партија (видео)

Пред точно пет години, Кристијано Роналдо ја имаше можеби најдобрата партија во кариерата, во која постигна хет-трик во првото полувреме и даде вкупно пет гола за Реал Мадрид да ја декласира Гранада во меч кој заврши со неверојатни 9:1.

Гранада, тогаш 19-пласиран клуб на табелата, изддржа до 24. минута, кога Герет Бејл го отвори резултатот, а до полувремето, Роналдо го постигна својот петти хет-трик таа сезона. Ова беше највисок триумф на Реал од 1967 година, кога со ист резултат го совладаа Реал Сосиедад, но рекордот останува 11:1 победата над Барселона во Кралскиот куп во 1943 година, победа која во Каталонија не ја признаваат поради притисокот кој го вршел диктаторот Франциско Франко.

Фантастичната сезона 2014/15 во која Роналдо постигна 48 голови во Ла лига, сепак не беше крунисана со титула, откако Барселона беше шампион, додека во Лигата на шампиони беа елиминирани во полуфиналето од Јувентус.

Scroll to Top