Премиер лигата продолжува да ги поместува границите и уште поважно, да се разликува од другите лиги кога станува збор за ТВ правата. Тоа го покажува новиот рекорден договор.
Новиот договор ќе стапи на сила од сезоната 2025/26. Договорот тежи 7,8 милијарди евра! Тоа е дури две милијарди повеќе од важечкиот што истекува со сезоната 2024/25.
Инаку, ова ќе биде највредниот договор за ТВ права во историјата на британскиот спорт.
„Овој договор ја покажува силата на Премиер лигата и ги обврзува клубовите, играчите и менаџерите да продолжат да им го презентираат најсилното светско натпреварување на луѓето на најдобар начин, да ги оправдаат полните стадиони и довербата на навивачите кои создаваат феноменална атмосфера секоја недела„,изјави директорот на Премиер лигата Ричард Мастерс.