По четиричасовниот состанок на клубовите на Премиер лигата за завршување на сезоната 2019/20, клубовите ја покажаа желбата да се комплетира шампионатот на неутрални терени надвор од урбаните делови на градовите во Британија во јуни, јавува „Сан“.
Речиси сигурно е дека натпреварите би се одвивале без публика според планот „Проект рестарт“, а најверојатни локации за играње се „Лондон стадионот“ на Вест хем, „Етихад“ на Манчестер сити“ и „Емирати“ на Арсенал, бидејќи се работи за стадиони кои се подалеку од станбени згради.
Се очекува детали од планот за рестартирање да се објават следната недела по вториот состанок на клубовите следниот петок, кога се очекува владина одлука за опуштање на рестрикциите поради корона вирусот.
Засега, поминаа речиси два месеци од последниот премиерлигашки меч, но клубовите се очајни да ја комплетираат сезоната за да се исполнат условите за добивање на парите од ТВ-правата, и да се избегнат потенцијални легални случаи ако мора титулата и пласманот да се одредува со декрет.
At a meeting of Shareholders, clubs discussed possible steps to resume the 2019/20 season
The League and clubs will only return to training and playing with Government guidance, under expert advice and after consultation with players and managers
More: https://t.co/GJr8UN1Kzb pic.twitter.com/b5TjUkKcxp
— Premier League (@premierleague) May 1, 2020