Претседателот на Француската фудбалска федерација (ФФФ) Ноел Ле Грае денеска поднесе оставка. По 11 години на чело на францускиот фудбал, 81-годишниот Ле Грае реши да се повлече по неколкумесечни турбуленции, обележани со обвинувања за сексуално и морално вознемирување и извештајот ревизорска мисија на Генералниот инспекторат за образование, спорт и истражување (IGESR) и неколку вербални лапсуси.
Претходно овој месец, ревизијата нарачана од Министерството за спорт заклучи дека Ле Грае повеќе го нема „неопходниот легитимитет“ да раководи и да го претставува спортот во Франција и „го истакна неговото несоодветното однесување кон жените“.
Ле Грае негираше дека сторил нешто лошо, но сепак реши да се повлече од функцијата.